Խմորիչը հարուստ է վիտամիններով և միներալներով, և դրա շնորհիվ խմորիչով դիմակները շատ օգտակար են մազերի համար:
Խմորիչով դիմակ
Բաղադրիչներ
1 ճաշի գդալ ջուր
1 ճաշի գդալ խմորիչ
1ճաշի գդալ շաքարավազ
1 ճաշի գդալ մեղր
2 թեյի գդալ մանանեխի փոշի
Կիրառման եղանակը
Խմորիչ լուծել տաք ջրում և ավելացնել շաքարավազը՝ խմորման գործընթացն արագացնելու համար: Երբ խմորիչն ակտիվանա, ավելացնել մեղրը և մանանեխի փոշին:
Դիմակը քսել գլխամաշկին և մազարմատներին: Այնուհետև վրայից գլխին անցկացնել պոլիէթիլենային գլխարկ և փաթաթել սրբիչով:
Թողնել 1 ժամ, այնուհետև լվանալ սովորական շամպունով:
Խմորիչով և պղպեղի թուրմով դիմակ
Բաղադրիչներ
30 գ չոր խմորիչ
2 ճաշի գալ պղպեղի թուրմ
1 ճաշի գդալ ջուր
Կիրառման եղանակը
Խմորիչը լուծել ջրում, այնուհետև ավելացնել պղպեղի թուրմը:
Դիմակը քսել գլխամաշկին և մազարմատներին, այնուհետև գլխին անցկացնել պոլիէթիլենային գլխարկ և փաթաթել սրբիչով:
Թողնել 20 րոպե և լվանալ:
Այս դիմակը չի կարելի 20 րոպեից ավել թողնել, այլապես հնարավոր է մաշկը գրգռվի:
Նյութը հրապարակման պատրաստեց՝ Goodinfo-ն