Հոդացավերը կարող են ծնկի բերել նույնիսկ ամենադիմացկուն մարդուն: Մասնագետները պնդում են, որ հոդացավերը կարելի է թեթևացնել սննդակարգում որոշակի մթերքների ընդգրկման և դրանց հաճախակի օգտագործման միջոցով:
Խնձոր
Խնձորը պարունակում է մեծ քանակությամբ բիոֆլավոնիդներ, որոնք պաշտպանում են մարդու օրգանիզմը բորբոքումից, խթանում է արյան շրջանառությունը: Բիոֆլավոնիդներով հարուստ են նաև երիցուկի թեյը, նեխուրը, ձիթապտուղը, նարինջը, թուրինջը, կիտրոնը, կանաչ պղպեղը և սխտորը:
Նուշ
Սա հրաշք մթերք է: Այն հանդիսանում է Е վիտամինի հիանալի աղբյուր, պարունակում է նաև մագնիում: Е վիտամինը հատկապես օգտակար է հոդացավերի դեպքում, քանի որ խթանում է հոդերի շարժունակությունը և հանում է հոդացավը:Е վիտամինով հարուստ են նաև սպանախը, ավոկադոն, կոկոսի յուղը, դդմի և արևածաղկի սերմերը:
Օմեգա -3
Օմեգա -3-ը օժտված են հակաբորբոքային հատկությամբ, և կարևոր դեր են խաղում կապանների և աճառների վերականգնման համար:
Օմեգա -3 –ով հարուստ են նաև սաղմոնը, սարդինները, սկումբրիան, կտավատի սերմերը, լոբեղենը, ծաղկակաղամբը, ձկան յուղը, կտավատի յուղը, ընկույզը:
Ձու
Ձվի մեջ պարունակվող սպիտակուցը զգալիորեն բարձրացնում է արյան մեջ տրիպտոֆանի մակարդակը: Տրիոպտոֆանը հանդիսանում է սերոտոնինի «շինանյութ»:
Պանիրը, քրքումը, սաղմոնը, ինչպես նաև բոլոր տեսակի ընկույզներն ու սերմերը ևս հանդիսանում են տրիպտոֆանի աղբյուր:
Վիտամին С
Հոդացավերի ժամանակ հատկապես խորհուրդ է տրվում օգտագործել նարնջագույն կամ դեղին գույնի բանջարեղեն և միրգ:
Ի դեպ ուսումնասիրությունների արդյունքում պարզվել է, որ արթրիտի առաջացման պատճառ կարող է դառնալ ցինկի ցածր մակարդակը:
Ցինկով հարուստ են ծովային մթերքները, կարմիր միսը, տնական թռչնամիսը, լոբեղենը, ընկուզեղենը, սերմերը, հատկապես դդմի:
Նյութը հրապարակման պատրաստեց՝ Goodinfo-ն