Ընտրակաշառքի և ՀՀ-ում առա­ջիկա խորհրդարանական ընտ­րությունների վերաբերյալ «Աս­պարեզը» զրուցել է «Թրանսփարենսի հնթերնեշնլ» հակակոռուպցիոն կենտրոնի ծրագրերի ղեկա­վար Վարուժան Հոկտանյանի հետ։

- Պարոն Հոկտանյան, ըստ ՀԱԿ-ի, ընտրողների ցուցակների հրա­պարակումը կկանխի մոտ կես մլն կեղծ ձայն, այդ թվում՝ կրկնակի քվեարկությունները։ Միևնույն ժամանակ, ՀԱԿ փոխնախագահ Լևոն Զուրաբյանի խոսքով, բարձրացել են ընտրակաշառքի չափերը՝ ընդհուպ մինչև100 դո­լար։ Արդյո՞ք ընտրակաշառքը զգալի դեր է ունենալու առաջի­կա խորհրդարանական ընտրու­թյունների ժամանակ։

- Այստեղ խոսքը գնում է ընտրու­թյուններից հետո քվեարկածնե­րի ցուցակների հրապարակման մասին։ Ինչ վերաբերում է ընտրակաշառքին, ապա ես էլ եմ լսել, որ մեծանում են թվերը։ Նույն ձեր քաղաքում՝ (նկատի ունի Գյում­րին.հեղ) 2013 թվականի փետր­վարին դուք տեսաք, թե ինչ տեղի ունեցավ։ Որքան ես տեղյակ եմ՝ բավական մասսայական կերպով ընտրակաշառք բաժանվեց, բայց մարդիկ չգնացին և չքվեարկե­ցին այդ բաժանողների օգտին։

- Բացի ընտրակաշառքից, էլ ի՞նչ վտանգավոր երևույթներ գոյու­թյուն ունեն։

- Իհարկե, ընտրակաշառքն իր դե­րը կխաղա, դրանում ես չեմ կաս­կածում, բայց ավելի վտանգա­վոր երևույթներ կարող են լինել։ Որպեսզի ընտրակաշառք բաժա­նողները վստահ լինեն, որ ընտ­րակաշառքն աշխատել է (որով­հետև վերջին տարիներին այդ միտումը կա, որ մարդիկ վերց­նում են և չեն քվեարկում) այդ պատճառով մտցնելու են մեխա­նիզմներ, որպեսզի գոնե ինչ-որ չափով բաց լինի քվեարկությունը, (իհարկե ոչ պաշտոնապես), որ­պեսզի կարողանան տարբեր ձևերով հասնել իրենց նպատակին, կոպիտ ասած՝ աշխատեցնել ընտրակաշառքը։ Այ սրա վրա պետք է ուշադրություն դարձնել, զգուշանալ և համապատասխան կանխարգելիչ քայլերի դիմել։ Դրա համար պետք է քվեախցիկների այնպիսի տեղադրում լինի քվեարկության սենյակում, որ­պեսզի համապատասխան մար­դիկ չկարողանան ստուգել։ Որով­հետև, եթե կասկածներ կան, որ քվեարկության գաղտնիությունը խախտվում է, սա կարող է լուրջ դեր խաղալ։ Պետք է այնպիսի ապահովություն լինի, որ քվեա­թերթիկներ դուրս հանելը բացառ­վի։

Այս առումով պետք է ուշադիր լի­նեն դիտորդները, վստահված ան­ձինք, հանձնաժողովի անդամնե­րը և ԶԼՄ ներկայացուցիչները, որպեսզի բացառվի գաղտնիության խախտումը։

loading...