«Նռան հատիկ». այսպես է կոչվում սցենարիստ, պրոդյուսեր Դիանա Գրիգորյանի նոր հեռուստասերիալը, որն «Արմենիա TV»–ի եթերում կլինի սեպտեմբերին։ Ինչպես արդեն հայտնել էինք, «Առաջնորդները» հեռուստասերիալը սեպտեմբերի 8–ին կավարտվի։
Tert.am Life–ն իր ընթերցողներին է ներկայացնում առաջին մանրամասներն ու լուսանկարները նոր հեռուստանովելի նկարահանման հրապարակից։ Ֆիլմում խաղում են Արսեն Լևոնյանը, Ագնեսա Շահնազարյանը, Դավիթ Մարդյանը, Հայկ Չոմոյանը, Լևոն Հարությունյանը, Ջուլիետա Ստեփանյանը, Ռուդոլֆ Ղևոնդյանը, Ռուզան Վիթ Մեսրոպյանը և այլք։ Դիանան նշեց, որ դերասանական լավ անձնակազմ ունի, որոնց միջոցով հեռուստադիտողներին կներկայացնի նոր պատմությունը։
Նոր դրամայի գլխավոր հերոսուհուն` Սոֆյային մարմնավորում է երգիչ Մհերի քույրը՝ Ռոզա Ֆիլբերգը։ Թե ով է մարմնավորում ֆիլմի հերոսին, ստեղծագործական թիմն առայժմ գաղտնի է պահում։ Հայտնի է միայն, որ Դիանան և իր թիմը դժվարությամբ են ընտրում հերոսի դերակատարին։
«Նռան հատիկ» դրամայի հիմքում սերն է։ Հեռուստասերիալը ցույց է տալիս, թե որքան անկանխատեսելի, երբեմն էլ` դաժան կարող է լինել կյանքը։ Գլխավոր հերոսուհին` Սոֆյան, հոր ինքնասպանությունից կարճ ժամանակ անց կորցնում է նաև սիրելիին, որը ծառայում էր բանակում։ Դիանա Գրիգորյանը պատմության իր լուծումներն ունի, որոնք հեռուստադիտողներին կներկայացնի սեպտեմբերի 11–ից։
.jpg?1504266073383)
