Սյուժեն հետաքրքիր էր և չկրկնվող. Սիսիան Սեփանյանը` «Էլենի օրագիրը» հեռուստասերիալի մասին

Սեպտեմբերի 18-ից «Շանթ պերմիումի» եթերում կմեկնարկի «Էլենի օրագիրը» հեռուստասերիալը, որտեղ գլխավոր հերոսներից մեկին մարմնավորում է երիտասարդ դերասան Սիսիան Սեփանյանը:  Նա Life.panorama.am-ի այսօրվա զրուցակիցն է: 

 

 

- Այստեղ ևս «Օտարը» հեռուստասերիալի աշխատակազմն է։ Առաջարկը ստացա ռեժիսորի կողմից, սյուժեն հետաքրքիր էր և չկրկնվող ու ամենակարևորը շատ հավանեցի առաջարկված կերպարը. չնդունելու պատճառ չկար:

 

 

- Երկու տարբեր պատմություններ են և ամեն ինչ այնպես չէ, ինչպես կարող է թվալ առաջին հայացքից: Տարբերվում են թե թեմատիկ, թե ժանրային առումով. պարզապես հետևեք զարգացումներին։

 

 

- Չեմ կարող զարգացումներից պատմել, բայց պատմությունը շատ հետաքրքիր է։ Այն ծավալվում է չորս հերոսների, նրանց ընկերների և նրանց հարազատների շուրջ։ Քոլեջում սովորող ավարտական դասարանի աշակերտներ են, ովքեր փորձում են չսխալվել կյանքում, գտնել իրենց առաքելությունը և երջանկությունը։

 

 

- «Օտարը» հեռուստասերիալի դերասաններից շատերն են ներգրաված նոր նախագծում։ Հիմնական իմ խաղնկերներն են այստեղ Դավիթ Հակոբյանը, ով իմ պապիկին է մարմնավորելու, Էդգար Իգիթյանի հետ վաղուց ենք ճանաչում իրար, բայց առաջին անգամ ենք աշխատում միասին, Իննա Խոջամիրյանը և Մարինկա Խաչատրյանը։ Այս նախագծում նույնպես ընկերներ ունեմ և առհասարակ ջերմ ընկերական մթնոլորդ է տիրում նկարահանման հրապարակում, ինչը ավելի է հեշտացնում աշխատանքը։

 

 

- Կերպարները տարբեր են իրարից, դրական հերոս ասվածն էլ հարաբերական է. ինչպես արդեն նշեցի, ամեն ինչ կարող է լինել ոչ այնպես, ինչպես թվում է առաջին հայացքից։ Կարծում եմ` լավ ռեժիսորը կարող է նկատել, տեսնել դերասանի պոտենցիալը, հնարավորությունները և լավ դերասանը իրեն կարող է դրսևորել տարբեր կերպարներում, այնպես որ միշտ նույն ամպլուայում մնալու մտավախություն չունեմ։

 

 

- Ինձ համար չկա կոնկրետ կերպար, որին կերազեի մարմնավորել: Դերասանի համար ցանկացած դեր ունի իր նշանակությունն ու առաքելությունը, դերասանի համար պետք է բացառված կերպար չլինի, քանի որ յուրաքանչյուր կերպար ունի իր ասելիքը: Դերասանը պետք է գտնի այդ ասելիքը և ամենակաուևորը այն ճիշտ կերպով մատուցի։

 

 

- Սա իմ երկրորդ աշխատանքն է հեռուստատեսությունում, բայց առհասարակ, կարճամետրաժ ֆիլմերում և ներկայացումներում նույնպես խաղացել եմ նախքան հեռուստատեսություն մտնելը։ Իսկ ինչ վերաբերվում Է նախագծին, նոր պատմության մեջ աշխատելը միշտ էլ նորովի հետաքրքիր է, դերասանի մասնագիտությունը դրանով է յուրահատուկ, որ կապ չունի թէ դա իր որերորդ նախագիծն է `դու երբեք չես ձանձրանում նոր կերպարներ կերտելուց, միշտ աշխատելու տեղ ունես:

 

Աղբյուրը՝ Life.panorama