Հաղորդավարուհի Մարինա Գրեգը նոր հաղորդմամբ է ներկայանում: Ամեն կիրակի` ժամը 19:00-ին, «ԱրմՆյուզի» եթերում հեռարձակվում է «Մաքսիմում» հաղորդումը, որն անդրադառնում է բազմաթիվ խնդրահարույց հարցերի: Նոր կարգավիճակի եւ հաղորդման բնույթի մասին Մարինան պատմել է Life.panorama.am-ին:
- Մարինա, երբ հայտնվեցիք լրատվական ծրագրում, շատերին անակնկալի բերեցիք, հետո, երբ մեկնեցիք մայրիկին խնամելու, էկրանային ընդմիջում վերցրիք, իսկ հիմա«Մաքսիմում» նախագիծն եք իրականացնում: Նախ կխնդրեմ, պատմել, թե ինչո՞ւլրատվական ծրագրում չշարունակեցիք ձեր գործունեությունը:
- Հիմա աշխատում ենք նոր հաղորդման վրա, որի ֆորմատը նաեւ լրատվական է: Լուրերում այս պահին չլինելով` չեմ հեռացել լրատվական ձեւաչափից: Որոշ ժամանակ անց հեռուստադիտողը ինձ էլի կտեսնի նաեւ լուրերում:
- Ինչպե՞ս ստեղծվեց «Մաքսիմում» նախագիծը, ձեզ այստեղ լիարժեք զգո՞ւմ եք:
- Նախագծի գաղափարը ծագեց այն ժամանակ, երբ հասկացա, որ բացի լուրեր հաղորդելը, ես ուզում եմ վերլուծել դրանք, ուզում եմ լսել հասարակության կարծիքը այս կամ այն խնդրի շուրջ: Հրաչ Քեշիշյանի հետ եւ նրա օգնությամբ որոշեցինք իրականացնել գաղափարը: Լրատվական դաշտում ես զգում եմ ինչպես՝ ձուկը ջրում, եւ այս ֆորմատում ասելիք ու անելիք շատ կա:
- Ո՞րն է հաղորդման նպատակն ու գլխավոր անելիքները:
- Մաքսիմումը վերլուծական հաղորդում է, որն անդրադառնում է Հայաստանում եւ աշխարհում տեղի ունեցող վերջին՝ ամենակարեւոր իրադարձություններին: Բացառիկ հարցազրույցներ, հեղինակային ռեպորտաժներ հենց դեպքի վայրից, նաեւ լրագրողական հետաքննություն: Խնդրին անդրադառնում ենք բազմակողմանի, լսում ենք բոլոր կողմերին: Բարձրաձայնում ենք խնդրի մասին եւ մեր նպատակն է, որ այն լուծում ստանա: Հաղորդման թեմաներն ընտրվում են ըստ խնդրի կարեւորության եւ հասարակության շրջանում քննարկման:
- Ձեզ համար, որո՞նք են այս ձեւաչափի բարդությունները, եւ պարտադիր հաշվի առնվողդրույթները:
- Այս հաղորդումը պահանջում է մաքսիմալ ուշադրություն եւ պատասխանատվություն՝ սկսած լրագրողի ռեպորտաժից մինչեւ իմ խոսքը, թեմային պարտադիր պետք է ծանոթ լինել բոլոր կողմերից, որպեսզի վերլուծությունը սուբյեկտիվորեն չընկալվի:
- Մարինա, ժանրային կտրուկ փոփոխություններից հետո ժամանակ է պետք, որպեսզիմարդիկ մոռանան հին Մարինա Գրեգին, ով ժամանցային հաղորդում էր վարում եւընկալեն լուրջ նախագծերում հանդես եկող հաղորդավարուհուն: Ի՞նչ եք կարծում, հաղթահարել եք արդեն մարդկանց` Ձեզ հավատալու եւ ընկալելու շեմը:
- Ովքեր չեն ընկալել մինչեւ այսօր, դժվար թե ժամանակը օգնի, քանի որ եթե մարդուն տեսնելիս քո ենթագիտակցությունը նրան դեռ հիշում է այնպիսին, ինչպիսին նա «Էր», ապա որքան ժամանակ էլ անցնի, միշտ նույն ընկալումը կունենաս: Իսկ ովքեր ընդունել են, ընդունել են հենց սկզբից: Մտավախություն, իհարկե, կար, բայց եթե լուրերից հետո ինձ վստահվում է նման լուրջ հաղորդում, ուրեմն այդ կարծրատիպը կոտրել եմ:
- Ձեր նոր ոճը, կարծես թե, չի վրիպում մարդկանց ուշադրությունից: Հագուստի եւսանրվածքի ընտրության հարցում սկզբունքներ ունե՞ք:
- Լրատվական ֆորմատում նախընտրում եմ հավաքած վարսեր, կոկիկ սանրվածք, հագուստը միքսում եմ՝ խիստ դասականին ավելացնում կանացիություն. արդյունքում ստացվում է չափի մեջ ինտրիգային ու լուրջ կերպար:
- Մարինա, նաեւ ռադիոյում եք աշխատում, ինչպես եք այդ ոլորտում Ձեզ զգում ու ինչաշխատանքային ծրագրեր ունեք առաջիկայի համար:
- Այո, աշխատում եմ նաեւ ռադիո «Մարշալլում», որտեղ առավոտյան ծրագիր եմ վարում: Ռադիոն եւ հեռուստատեսությունը երկու տարբեր աշխարհ են՝ երկուսն էլ հետաքրքիր իրենց բարդություններով, լսարանով: Ուզում էի ինձ փորձել նաեւ ռադիոյում: Շատ ուրախ եմ, որ սիրելի աշխատանքի շնորհիվ դժվար առավոտներս հաճելի են դառնում: Այս պահին գերծանրաբեռնված գրաֆիկով եմ աշխատում, քանի որ առավոտյան 6-ին արթնանում եմ, գնում ռադիո, որից հետո շտապում եմ հեռուստաընկերություն: Իսկ հետոն, ժամանակը ցույց կտա:
- Դուք նպատակասլաց մարդ եք, իսկ նման մարդիկ միշտ էլ իրենց մտքում գիտեն, թե ուրեն գնում ու ինչի են ձգտում: Հետաքրքիր է` այս իմաստով դեպի ո՞ւր եք գնում:
- Ես գիտեմ՝ ինչ եմ ուզում, բայց երբեք չեմ պլանավորում, ուղղակի միտքը ծագում է, իսկ տիեզերքը հոգում է, որ այն իրականանա: Ցանկացած հարցում՝ անձնական, թե գործնական, երբեք չեմ պլանավորում, դռներն իրենք են բացվում, իսկ ժամանակը միայն հուշում է, թե երբ է պահը հասունացել: Ուր էլ գնամ, փնտրում եմ հոգու եւ գիտակցության ներդաշնակություն: