Կորյակներ սեղմելու հակումը կարող է նյարդային խանգարման հետևանք լինել, որը հայտնի է Էքսկորիացիա անվանումով:
Կորյակները անխոռոչ մաշկային հանգույցներ են, որոնք առաջանում են ծակոտիների խցանման հետևանքով` դեմքի կամ մարմնի վրա:
Մաշկը ուշադիր զննելու դեպքում կտեսնեք աննշան անցքեր, որոնք մաշկի ծակոտիներն են: Ծակոտիներում են գտնվում մազապարկերը և ճարպագեղձերը: Վերջինս մաշկը սնելու գործառույթ է իրականացնում:
Մաշկի մեռած բջիջների և միկրոբների փոխներգործման հետևանքով խցանվում են ծակոտիները, ինչ էլ կորյակների առաջացման պատճառ է դառնում:
Հետազոտությունները ցույց են տվել, որ կանայք ավելի շատ են սեղմում կորյակները և հաճույք ստանում այդ գործընթացից, քան տղամարդիկ: Այլ կերպ ասած կանայք ավելի մեծ հակում ունեն Էքսկորիացիայով տառապելու:
Նման գործընթացից հաճույք ստանալը պայմանավորված է նյարդային համակարգի կողմից արտադրվող դոպամինով և նեյրոմեդիատորով, որոնք հաճույքի զգացողության ազդակներն են և կախվածություն են առաջացնում:
Եթե կորյակների սեղմումը ձեզ հաճույք է պատճառում, ապա հավանական է, որ դուք Էքսկորիացիա կոչվող նյարդային խանգարում ունեք: