Առաջնորդի բնավորություն ունենալն ամենևին էլ վատ չէ, մինչդեռ իշխող բնավորություն ունենալը հազիվ թե ձեզ որևէ լավ բանի հանգեցնի։ Այսօր ձեզ ենք ներկայացնում հորոսկոպի այն երեք նշաններին, ովքեր չափազանց շատ են սիրում իշխել իրենց շրջապատի մարդկանց։
Ասում են՝ Կշեռքների մոտ ի ծնե կա մի նախապաշարմունք, որ իրենք բոլորից շատ ավելի խելացի են և միայն նրանք կարող են այս կամ այն իրավիճակում ճիշտ քայլեր ձեռնարկել։ Մյուսներին չվստահելու այս տարօրինակ սովորության պատճառով էլ Կշեռքները համարվում են իշխող մարդիկ։
Ձկների իշխանատենչությունը ոչ անմիջական կերպով է արտահայտվում։ Նրանք ոչ թե բարձրաձայն հրամաններ են տալիս այս կամ այն մարդուն, այլ իրենց համար լուռ գործում են՝ իրավիճակն այնպիսի ուղղությամբ տանելով, որ բոլորը ենթարկվեն իրենց քմահաճույքներին։ Միշտ իմացեք, որ եթե անգամ Ձկները լռում են, ապա միևնույն է հաստատ նրանք հասնելու են իրենց ուզածին։
Եվ իհարկե, ինչպես կարելի է այս ցանկում չներառել Առյուծներին։ Ինչպես կենդանական աշխարհում են առյուծները համարվում թագավոր, մարդկանց շրջանում Առյուծ նշանի ներկայացուցիչները ևս շատ հաճախ փորձում են իրենց պահել առյուծների նման։ Բանն այն է, որ Ձկների պես Առյուծներն էլ չեն սիրում ցուցադրել իրենց իշխող տեսակը․ փոխարենը նրանք իրենց շրջապատի մարդկանց հետ ընկերական ոճով են խոսում՝ միաժամանակ պարտադրելով իրենց ուզածը։
Աղբյուր՝ Blognews.am