Ինչպե՞ս անել, որպեսզի տավարի կամ խոզի միսը փափկի և էլ ավելի համեղ լինի: Անհրաժեշտ է օգտագործել գաղտնի բաղադրիչը:
Գոյություն ունեն մի շարք մթերքներ, որոնք կարող են փափկեցնել անգամ ամենակոշտ մսի կտորը և այն դարձնել ավելի հյութալի:
Սոխ
Ոչ մի մսային ուտեստ առանց սոխի չի մատուցվում: Կարելի է կիսակլոր կտրատել սոխը, աղալ, մանր կտրատել, անգամ քերել և խառնել մսի հետ 1:1 հարաբերությամբ, թողնել մի քանի ժամ:
Մանանեխ
Այս մթերքը մսի համար իդեալական հավելում է: Մանանեխը ոչ միայն շատ լավ փափկեցնում է միսը, այլև հաճելի համ և կծվություն է հաղորդում դրան: Անհրաժեշտ է ուղղակի մսի վրա քսել մանանեխ, թողնել 15-20 րոպե, հետո դնել ջեռոցի մեջ կամ տապակել:
Ալկոհոլ
Չոր գինին (կարմիր կամ սպիտակ), գարեջուրը, օղին օգտագործվում են միս պատրաստելիս: Գինու մեջ պետք է նախօրոք թաթախել միսը, իսկ օղու դեպքում այն ուղղակի լցնել տապակվող մսի վրա: Գարեջուրն իդեալական տարբերակ է շոգեխաշման համար:
Ալկոհոլը պատրաստման ընթացքում ամբողջությամբ գոլորշանում է:
Լիմոնի, նռան և արքայախնձորի հյութ
Բոլոր այս հյութերը հրաշալի փափկեցնում են միսը: Նման մարինադ օգտագործելիս չի կարելի շատ պահել միսը դրա մեջ, քանի որ այն կարող է վերածվել ռեզինի:
Թթու
Կաղամբի կամ վարունգի թթուն շատ լավ տարբերակ է: Այն հրաշալի համ է հաղորդում մսին, և աղ ավելացնելու կարիք այլևս չի լինում:
Հանքային ջուր
Սա փորձառու խոհարարների կողմից շատ օգտագործվող հնարք է միսը փափկեցնելու համար:
Օսլա (կրախմալ)
Փորձեք թաթախել կոշտ միսը կարտոֆիլի օսլայով բացված ջրում: Արդյունքն իսկապես կապշեցնի: Հյութալի և խրթխրթան մսի կտորները երաշխավորված են:
Կեֆիր
Խառնել կեֆիրը տարբեր սիրելի համային հավելումների հետ և թողնել միսը դրա մեջ մի քանի ժամ:
Սոյայի սոուս
1-1,5 ժամ սոյայի սոուսի մեջ մարինացված միսը կփափկի, կմգվի և հաճելի համ կստանա: Մեր օրերում այս մեթոդը լայն տարածում ունի:
Պետք է հստակ իմանալ, որ ոչ մի դեպքում չի կարելի նախօրոք աղ ավելացնել մսին: Աղը դուրս է բերում մսի մեջ պարունակվող հյութերը նախքան եփելը: