Ռոբերտ Քոչարյանի խափանման միջոցի վերաբերյալ բողոքի քննությունը, եթե ոչ այսօր, ապա վաղը ամենայն հավանականությամբ կավարտվի։ Այս մասին այսօր՝ դեկտեմբերի 4- ին հՀ վերաքննիչ քրեական դատարանում
լրագրողների հետ զրույցում ասաց Ռոբերտ Քոչարյանի պաշտպաններից Արամ Օրբելյանը։ Նա նշեց, որ պաշտպանակն կողմի երկու միջնորդություններից մեկն արեն ներկայացրել են դատարանին:
Քոչարյանի պաշտպանները միջնորդել են, որպեսզի դատարանը դիմի Սահմանադրական դատարան՝ քննարկելու արդյոք առանց ապացույցների թույլատրելիությունը գնահատելու կարող է քննարկվել կալանքի հարցը եւ համապատասխան որոշում կայացվել:
Այս պահին նիստը մեկ ժամով ընդմիջվել է, որից հետո պաշտպանները կներկայացնեն իրենց հաջորդ միջնորդությունը: Նշենք, որ արդեն 5-րդ օրն է ՀՀ վերաքննիչ քրեական դատարանը քննում է ՀՀ երկրորդ նախագահ Ռոբերտ Քոչարյանի նկատմամբ ընտրված խափանման միջոց կալանավորման որոշումն անձեռնմխելիության հիմքով վերացնելու վերաբերյալ բողոքը։ Հիշեցնենք, որ ՀՀ երկրորդ նախագահ Ռոբերտ Քոչարյանը 2008 թվականի «Մարտի 1-ի» քրեական գործով մեղադրվում է սահմանադրական կարգը տապալելու համար