Ցուլերը համբերատար են և աշխատասեր, բայց նաև կամակոր: Կենդանակերպի այս նշանի ներկայացուցիչները զուգընկերոջն իրենց սեփականությունն են համարում:
Չեն դադարի վիճել, քանի դեռ չեք հանձնվել: Ցուլերը սիրում են բանավիճել ոչնչի և ամեն ինչի մասին: Անկախ վեճի թեմայից, միշտ ձգտում են ապացուցել իրենց կարծիքը: Ընդ որում, նրանց այնքան էլ չի անհանգստացնում՝ արդյոք ճիշտ են, թե ոչ:
Խանդոտ են: Ցուլերը հաճախ են մտածում՝ ինչ կլինի, եթե գտնեք մեկին, ով իրենից լավն է: Կարող են խանդել անգամ պատահական անցորդներին: Միայն այն ժամանակ, երբ կենդանակերպի այս նշանի ներկայացուցիչներն իսկապես կճանաչեն ձեր ընկերներին, կազատվեն խանդի և սեփականատիրության զգացումներից:
Անկախ են: Նախընտրում են ապրել և գործել սեփական կանոններով, երբեմն նաև ինքնաբերական են: Նրա ժեստերը ռոմանտիկ են, նուրբ, բայց զուգընկերոջը կարող է նյարդայնացնել ամեն բան ծրագրելու սովորությունը: Կենդանակերպի այս նշանի ներկայացուցիչները նախընտրում են ինքնուրույն լուծել խնդիրները:Ցուլերի համբերությունը հաճախ չի հատում, բայց հարկավոր է զգուշանալ, երբ նրանք դուրս են գալիս ափերից: Այո՛, Ցուլերը համբերատար են, բայց հազվադեպ, երբ դուրս են գալիս ափերից, փոթորիկ են հիշեցնում, որն իր ճանապարհին մաքրում է ամեն բան: Կենդանակերպի այս նշանի ներկայացուցիչները չեն հանգստանա, քանի դեռ չեն ասի ամեն բան, չեն ներկայացնի ձեր դեմ բոլոր փաստարկները:
Նվիրված են: Հարաբերություններում ամենակարևորը վստահությունն է, և եթե Ցուլը որոշել է վստահել ձեզ, նշանակում է՝ նրա կյանքում բացառիկ մարդ եք: Բայց եթե կորցնեք Ցուլի վստահությունը, կարող եք ձեզ երջանիկ համարել, եթե նա բարևի ձեզ: Ցուլերը ներում են, բայց երբեք չեն մոռանում: