Շատերին է ծանոթ ստամոքսում փքվածության զգացումը և այդ պահին թվում է կարծես օդապարիկ կուլ տված լինես: Եվ հատկապես տհաճ է, երբ նայում ես հայելու մեջ ու տեսնում, որ հագուստը գեղեցիկ չի նստում կազվածքիդ: Ստամոքսի փքվածությունը առաջանում է աղիներում գազերի կուտակման հետևանքով, որովայնի հատվածը ասես մի քանի անգամ մեծանում է: Այս մթերքները նպաստում են ստամոքսի փքվածության ռաջացմանը:
Սպիտակ հաց
Սպիտակ հացը շատ գրավիչ է, սակայն այն պարունակում է մեծ քանակությամբ շաքար և խմորիչ: Այդ երկու մթերքները նպաստում են գազաձևավորմանը: Այնպես, որ սպիտակ հաց ուտելուց հետո զարմանալի չէ, որ փքվածություն ի հայտ գա:
Գազավորված ջուր
Ածխաջրերով հարուստ ըմպելիքները գազեր են առաջացնում և դա ստամոքսում ծանրության ու անհարմարավետության զգացողություն է առաջացնում: Բացի այդ, գազավորված քաղցր ըմպելիքները մեծ քանակությամբ շաքար են պարունակում, որոնք շատ արագ ճարպի են վերածվում: Գազերը օրգանիզմից դուրս են գալիս, իսկ ճարպերը մնում են:
Ֆրիտյուրում պատրաստված ուտեստներ
Բոլոր տեսակի չիպսերը, ցանկացած տեսակի ֆաստ ֆուդ անառողջ սնունդ է և վնասակար է: Դրանք փքվածություն են առաջացնում, բացի այդ դրանք մեծ քանակույամբ շաքար, աղ, համեմունքներ և այլ կոնսերվատներ են պարունակում, որոնք շատ վնասակար են օրգանիզմի համար:
Պաղպաղակ
Շատերի սիրելի այս աղանդերը այնքան էլ «լավը» չէ, որքան թվում է: Սա իսկական շաքարային ռումբ է, առաջացնում է փքվածություն և դժվարամարս է:
Խաղող
Քաղցրահամ ու հյութալի խաղողը դժվարամարս է: Այն ստամոքսում շատ գազեր է առաջացնում և գրեթե մշտապես առաջացնում է փքվածություն: Բանն այն է, որ ֆրուկտոզայով հարուստ մրգերը՝ խաղող, սեխ, տանձ, օրգանիզմից մեծ ջանքեր են պահանջում յուրացվելու համար: Բացի այդ խաղողի հատիկների կեղևը ևս դժվար է մարսվում, այստեղից էլ հետևում է փքվածությունը:
Կաղամբ
Կաղամբը ևս մեծ քանակությամբ գազեր է կուտակում աղիներում, չնայած, որ այս բանջարեղենը շատ օգտակար է, այնուամենայնիվ որոշ մարդիկ ստիպված են հրաժարվել դրանից: Սակայն ջերմային մշակման ենթարկված կաղամբը չունի նման հատկություն, այն գազեր և փքվածություն չի առաջացնում:
Նյութը հրապարակման պատրաստեց՝ Goodinfo-ն