Մասնագիտացված սրահներում անցկացվող մազահեռացման որոշ պրոցեդուրաներ թույլ են տալիս մեկընդմիշտ ազատվել անցանկալի մազածածկույթից, սակայն այդ պրոցեդուրաները բավական թանկարժեք են, ուստի ոչ բոլորի գրպանին են հարմար:
Բարեբախտաբար կան ավելի հասանելի, անվնաս ու արդյունավետ մեթոդներ, որոնք նույնպես օգնում են մեկընդմիշտ ազատվել անցանկալի մազերից, պարզապես դրանք փոքր ինչ ժամանակատար են:
Շաքարավազով դիմակ
Բաղադրությունը.
· 2 ճ.գ. կիտրոնի հյութ,
· 2 ճ.գ. շաքարավազ,
· 2 թ.գ. ջուր:
Օգտագործման եղանակը.
Ոչ շատ խորը տարայի մեջ խառնել բոլոր բաղադրիչները, քսել խառնուրդը անցանկալի մազերով պատված մաշկին, թողնել մոտ 10 րոպե, որպեսզի այն չորանա, այնուհետև լվանալ մաշկը սառը ջրով:
Այս պրոցեդուրան հարկավոր է կրկնել ամեն օր: Կուրսի տևողությունն է մեկ ամիս: Կիտրոնաթթուն ոչ միայն գունաթափում է մազերը, այլև քայքայում է դրանք՝ կանխելով հետագա աճը:
Մեղրով դիմակ
Բաղադրությունը.
· 2 ճ.գ. կիտրոնի հյութ,
· 2 ճ.գ. մեղր:
Օգտագործման եղանակը.
Մեղրն ու կիտրոնի հյութը խառնել ոչ շատ խորը տարայի մեջ, մինչև դառնա համասեռ զանգված, այնուհետև բամբակյա սկավառակի միջոցով քսել այն մաշկին մազերի աճի ուղղությամբ, թողնել 10-15 րոպե և երբ այն ամբողջությամբ չորանա, լվանալ հոսող ջրով:
Այս պրոցեդուրան կարելի է կրկնել շաբաթական երկու անգամից ոչ հաճախ: Կուրսը տևում է մեկ ամիս: Ցանկալի արդյունքին չհասնելու դեպքում կարելի է շարունակել պրոցեդուրաները ևս երկու շաբաթ: Այս դիմակն օգտագործելիս հարկավոր է հիշել, որ այն կարող է ալերգիաներ առաջացնել, ուստի ցանկալի է նախ փորձարկել, այնուհետև միայն սկսել օգտագործել: