Որքան էլ հարուստ լինի նախուտեստների տեսականին, դրանց շարքում պանիր անպայման պետք է լինի; Մարինացված պանիրը հիանալի տարբերակ է: Դրա հագեցած համը անհամեմատելի է, իսկ գինու համար ավելի լավ նախուտեստ դժվար թե գտնվի: Այն կարելի է պահել երկար ժամանակ և դրանից այն ավելի համեղ է դառնում:
Բաղադրիչներ
Պինդ տեսակի պանիր 500 գ
Կիտրոն 1,5 հատ
Սխտոր 4 ատամիկ
Սև հատիկավոր պղպեղ 0,5 թեյի գդալ
Համեմունքներ՝ ըստ ճաշակի 1 ճաշի գդալ
Կարմիր պղպեղ 1 թեյի գդալ
Ձիթապտուղ մի քանի հատ՝ ըստ ճաշակի
Աղացած կարմիր պղպեղ 1 թեյի գդալ
Մեղր 1 ճաշի գդալ
Բուսայուղ 400 մլ
Ռեհան ըստ ճաշակի
Պատրաստման եղանակը
Վերցնել 2 ապակե տարա:
Պանիրը կտրատել խոշոր խորանարդիկների տեսքով, կիտրոնը անցկացնել մսաղացով կամ մանր կտրատել:
Կարելի է պատրաստել երկու եղանակով
Բանկայի մեջ լցնել 250 գ պանիր:
Առանձին տարայի մեջ լցնել կիտրոնը, մի պտղունց կարմիր պղպեղ, համեմի սերմ, ճզմած սխտորը և 200 մլ բուսայուղ և լցնել պանիրի վրա և թղնել թրմվի: Որքան երկար մնա, այնքան ավելի համեղ կլինի: Պահել սառնարանում:
Երկրորդ բանկայի մեջ լցնել 250 գ պանիր:
200 մլ բուսայուղը տաքացնել, ավելացնել սխտորը, մի փոքր տապակել և թողնել սառչի, այնուհետև ավելացնել մեղրը, մեկ ճաշի գալ կտրատված կարմիր պղպեղը, կիտրոնի կեսը, ձիթպտուղը, աղացած կարմիր պղպեղը, ռեհանը: Լավ խառնել, լցնել պանիրի վրա և թողնել թրմվի,, որքան երկար մնա, այնքան համեղ կլինի: Պահել սառնարանում:
Նյութը հրապարակման պատրաստեց՝ Goodinfo-ն