Հարաբերությունները վաղուց ավարտվել են, բայց հիշողությունը մնացել է և ոչ մի կերպ հնարավոր չի լինում նրան մոռանալ: Բաժանության պատճառները կարող են տարբեր լինել. դավաճանություն, նոր սեր, հուզական այրում և այլն:
Որոշ կանայք բաժանվելոց հետո սկսում են կարոտել նախկին տղամարդուն, հետևում են նրան սոցցանցերում, հայտնվում են նրա բնակության վայրին մոտ տարածքներում՝ նրան հեռվից տեսնելու հույսով, հաճախակի նայում են լուսանկարները: Նախկին զուգընկերոջ նկատմամբ կարոտ են զգում նույնիսկ նոր տղամարդու հետ երջանիկ հարաբերությունների առկայության պայմաններում:
Հոգեբանները նշում են նախկին զուգընկերոջը մոռանալ չկարողանալու 5 պատճառ:
Անավարտության զգացում
Դա նշանակում է, որ կնոջ մոտ հարցեր են մնացել առանց պատասխանների: Վիրավորանքները, հակասությունները, չպարզաբանված հարցերը իրենց հետքն են թողնում: Դա լինում է այն ժամանակ, երբ զուգընկերները խաղաղ չեն բաժանվում: Հոգեբանները խորհուրդ են տալիս շարադրել բոլոր վիրավորանքները և չասված բաները թղթի վրա, և ուղղակի դեն նետել այդ թուղթը:
Հուզական կախվածությունը
Շատ հաճախ սերը շփոթում են կախվածության հետ: Սակայն տարբերությունը մեծ է, սիրող մարդը իր սիրած էակին ցանկանում է միան երջանկություն և կարող է նրան բաց թողնել: Կան կանայք, ովքեր խիստ կարոտում են այն տղամարուն, ով իրենց լքել է, կամ վատ է վերաբերվել: Այդ զգացողությունից ազատվելու համար պետք է վերհիշել , հիշել այն տառապանքը, որ ունեցել են նրա հետ շփման ժամանակ:
Հարմարավետության գոտի
Տևական հարաբերությունների արդյունքում որոշակի սովորություններ են ձեռք բերվում. համատեղ գնումներ կատարելը, համատեղ կենցաղը, ընդդհանուր ընկերները և այլ փոքրիկ բաներ ստեղծում են հարմարվետության գոտի: Եվ բաժանությունից հետո այդ զոնան վերանում է և ցանկություն է առաջանում վերադարձնել կայունությունը: Դա նման է այն տանը, որտեղ անցել է մանկությունը: Պարզապես պետք է հասկանալ, որ հնարավորություն է ընձեռնվել նոր հարմարավետ գոտի ստեղծելու համար:
Չիրականացված սպասումներ
Դուք միասին պլաններ էիք կառուցում, ընտրում էիք ապագա երեխաների անունները, պատկերացնում էիք, թե որքան երջանիկ ընտանիք եք լինելու և հանկարծ այդ երազանքը հօդս է ցնդում: Պետք է հարմարվել այն մտքի հետ, որ ոչ բոլոր մտարություններն են իրականանում և այսօր երբեք չես կարող վստահաբար ասել, թե ինչ կլինի հաջոր օրը:
Սեփականության զգացում
Լինում են դեպքեր, երբ նույնիսկ բաժանվելուց հետո ազատություն չեն տալիս մյուսին, ցանկացած մրցակցություն նրանց ստիպում է խանդել: Օրինակ, կինը բաժանությունից մի քանի ամիս անց տեսնում է նախկին ամուսնուն այլ կնոջ հետ, սկսում է խանդել, փորձում է պարզել ով է այդ կինը:
Նման հոգեվիճակում չհայտնվելու համար պետք է ընտրել այն մարդուն, որի հետ իսկապես երջանիկ կլինեք և միշտ աշխատեք հարաբերություններն ավելի ամուր դարձնելու վրա, բայց եթե նրա կողքին երջանիկ չեք, կարողացեք մոռանալ նրան, սովորեք վերջակետ դնել:
Նյութը հրապարակման պատրաստեց՝ Goodinfo-ն