Հաճախ է լինում որ պատարատվում ես հյուր գնալ, բացում ես եղունգների լաքի սրվակը ու պարզվում է, որ լաքը չորացել է: Ժամանակ չկա գեղեցկության սրահ գնալու համար կամ նորը գնել; Դա իհարկե սխալ օգտագործման արդյունքում է լինում, երբ սրվակն ամուր չի փակվում: Սակայն պետք չէ վհատվել: Պնդացած լաքը կարելի է ջրիկացնել: Դրա համար պետք է ացետոն կամ եղունգների լաքը հանելու հեղուկ:
Որպեսզի ացետոնը կամ հեղուկը ավելացնելուց հետո լաքը չստացվի շատ ջրիկ պետք է ճիշտ ընտրել համաչափությունը: Եթե լաքը զբաղեցնում է սրվակի կեսը, ապա 10-12 կաթիլ հեղուկը կամ ացետոնը բավարար կլինի: Որպեսզի սրվակի մեջ հնարավոր լինի լցնել ացետոնը պետք է օգտվել կաթոցիկից: Եթե լաքը զբաղեցնում է սրվակի մեկ երրորդ մասը, ապա 5-7 կաթիլը բավարար կլինի:
Ուշադրություն դարձրեք վրձնիկին: Եթե վրձնի մազիկները չորացել են, ապա դա ոչ մի կերպ հնարավոր չէ վերականգնել, ցավոք պետք է դա դեն նետել և նորը ձեռք բերել, կամ կարելի է վերցնել այլ լաքի վրձնիկ, նախապես այն մաքրելով:
Սակայն կա ևս մեկ հանգամանք, երբ ացետոն է ավելացվում լաքին, նրա նախկին գույնն այլևս չի պահպանվում:
Եթե լաքը պարունակում է փայլփլուն գլիտտերներ, ապա հարկ չկա այդ լաքին ացետոն ավելացնել, որովհետև այդ փայլփլուն մասնիկները կկորցնեն իրենց փայլը կամ լիովին կլուծվեն լաքի մեջ:
Երբեմն փորձում են չորացած լաքը ջրիկացնել օդեկոլոնի, սպիրտի կամ ջրի օգնությամբ, սակայն դա ոչ մի օգւտ չի տա: Իզուր ժամանակ մի կորցրեք:
Եթե լաքը պնդացել է ջերմաստիճանի անկման հետևանքով, ապա կարող եք այն մի քանի րոպե պահել ափի մեջ, կամ ընկղմեք տաք ջրի մեջ և պահեք 2-3 րոպե:
Նյութը հրապարակման պատրաստեց՝ Goodinfo-ն