Մեր շուրջը հիանալի մարդիկ շատ կան, ովքեր ոգեշնչում են մեզ, աջակցում են, ուրախացնում են և ստիպում են հավատալ ինքներս մեզ: Սակայն կան նաև այնպիսիները, որոնք ամեն գնով փորձում են արժեզրկել դիմացինին, վատաբանել նրան: Նրանք փորձում են արժեզրկել ցանակացած զգացմունք, ձգտում, նվիրում, նվաճում ու ձեռքբերում:
«Դա ոչինչ չի փոխի», «ավելի վատ վիճակում գտնվողներ էլ կան», « քո բախտն ուղղակի բերել է» և նման շատ այլ արտահայտություններ են նրանք անում և դա վկայում է այն մասին, որ նրանք ներքուստ հարգանք չունեն ձեր նկատմամբ: Նրանք չեն ուրախանում ձեր հաջողությունների համար, նրանք չեն ցավում ձեզ հետ պատահածի համար:
Երբեմն այդ մարդիկ այնքան են առաջ անցնում, որ սկսում են նաև ստորացնել ձեզ: Չնայած իրականում փորձելով արժեզրկել ձեզ, նրանք բացահայտում են իրենց էությունը: Եթե մարդը չի ուրախանում մեկ այլ մարդու հաջողությամբ, ապա դա նշանակում է, որ նա նախանձում է: Իսկ նախանձը չարիքների մայրն է: Ձեզ արժեզրկելով, նա փորձում է ինքնահաստատվել, բարձրացնել իր ինքնագանահատականը:
Պետք չէ վիրավորվել և ընկճվել, ուշադրություն դարձնել նման մարդկանց բառերին, պետք է առաջ գնալ:
Իհարկե, պետք է տարբերել առողջ քննադատությունն ու արժեզրկումը: Առողջ քննադատությունը օգնում է կողքից նայել իրավիճակին, ուշարությունը սևեռել բաղթողումների վրա, իսկ արժեզրկողների միակ նպատակը ձեզ ստորացնելն ու ցավ պատճառելն է:
[caption id="attachment_11552" align="alignnone" width="900"]
Իրավիճակն ավելի բարդ է, երբ օրինակ երեխային դեռ մանկուց անընդհատ արժեզրկում են, օրինակ, ծնողներն անըհատ դժգոհում են, ասում են, երեխան ոչ մի բանի պիտանի չէ, հիմար է,մատնանշում են նրա թերություննեը և երբեք չեն խոսում նրա լավ կողմերի մասին, չեն գովաբանում: Դա խիստ վնասում է և երեխան մեծանում է այն մտքով, որ ինքն անհաջողակ է, որ իր մոտ ոչինչ չի ստացվի և նրա մոտ ձևավորվում ու զարգանում է թերարժեքության բարդույթ, ինչը խանգարում է ապրել լիարժեք կյանքով և վայելել այն: Եթե ծնողները կարծում են, որ երեխան անպիտան է ու թերությունների մարմնացում, ապա թող հիշեն ժողովրդական ասացվածքը, պտուղը ծառից հեռու չի ընկնում:
Ինչպես արևն է ջերմացնում մայր հողը ու կյանք պարգևում, այդպես էլ ջերմ ու խրախուսական, բարի ու գեղեցիկ բառերն են մարդկանց ուժ տալիս: Ժպտանք և գնահատենք միմյանց, կյանքը դրանով է գեղեցիկ:
Նյութը հրապարակման պատրաստեց՝ Goodinfo-ն