Շատ տնային տնտեսուհիներ կարծում են, որ տան պայմաններում համեղ խմոր պատրաստելն անհնար է։ Cooks.am-ը ներկայացնում է մի քանի օգտակար խորհուրդներ, որոնք կստիպեն Ձեզ այլ կերպ մտածել։
• Խմորին ավելացնում ենք կարտոֆիլի օսլա։ Դրա շնորհիվ կարկանդակներն ու բուլկիները կլինեն ավելի փափուկ:
• Խմորի համար նախատեսված ալյուրն անցկացնում ենք մաղով, որը համեղ ու ախորժալի թխվածքներ ստանալու գլխավոր պայմանն է։
Բոլոր խմորներին (բացի շերտավոր, եփովի ու քաղցր խմորներից) ավելացնում ենք սպիտակաձավար (1ճ/գ՝ 0,5 լիտր հեղուկ զանգվածին), որպեսզի ստանանք չոր խմոր հացաբուլկեղենի, օլադիների, կարկանդակների ու նրբաշերտերի համար։
• Կաթին զուգահեռ խմորին ավելացնում ենք 0,5 բաժակ հանքային ջուր, որի համար 1 թ/գ սոդան խառնում ենք քացախի հետ ու ավելացնում 0,5 բաժակ ջուր։ Դրա շնորհիվ թխվածքները դառնում են ավելի փարթամ։
• Մթերքները նախօրոք հանում ենք սառնարանից ու օգտագործում սենյակային պայմաններում գտնվող մթերքներ, այլապես խմորն ավելի դանդաղ կհասունանա։
• Ջեռոցում կարկանդակները թխում ենք միջին ջերմությամբ, որպեսզի միջուկը չչորանա։
• Նախքան պատրաստելը պետք է ճիշտ ընտրել խմորիչը․ այն պետք է լինի թարմ։ Խմորիչի որակը ստուգում ենք այսպես․ պատրաստում ենք փոքրիկ խմոր, պատում ենք ալյուրով, եթե 30 րոպե անց ճաքեր չեն լինում, ապա խմորիչը լավը չէ։
• Փխրուն ու թեթև խմոր ստանալու համար խմորի մեջ օգտագործում ենք միայն ձվի դեղնուցները։
• Եթե խմորն արդեն հասունացել է, բայց այս կամ այն պատճառով դեռ չենք կարող թխել, ապա պետք չէ անհանգստանալ։ Այն ծածկում ենք խոնավացրած թղթով։