Յուրաքանչյուր կին երազում է իր կողքին ունենալ այնպիսի տղամարդ, որը նրան կսիրի անկախ ամեն ինչից: Կյանքն անկանխատեսելի է և ինչեր ասես, որ չեն կարող պատահել: Ցավոք, մարդը ապահովագրված չէ դժբախտ պատահարներից, տհաճ անակնկալներից և կյանքում կարող է այնպիսի փորձությունների ենթարկվել, որից հետո նրա կյանքը գլխիվայր շուռ է գալիս: Եվ միայն այդ դեպքում կարելի է հասկանալ ովքեր են քո իսկական բարեկամները, ով է քեզ իսկապես սիրում:
Մայքլ Խոսինը և Տուրիա Փիթթն սիրւմ էին իրար և պատրաստվում էին օրինականացնել հարաբերությունները, սակայն նրանց այլ բան էր սպասվում: 2011 թվականի սուպերմարաֆոնի ընթացքում տեղի ունեցած դժբախտ պատահարի հետևանքով կինը այրվածքներ ստացավ: Այրվեց նրա մարմնի շուրջ 60 %- ը: Երբեմնի գեղեցկուհուց կարելի է ասել ոչինչ չմնաց:
Նա սարսափելի կերպրանք ստացավ, երբ նույնիսկ հայելու մեջ նայելիս նա սասափում էր իրեն տեսնելով:
Սակայն նա կյանքում ուներ ամենամեծ գանձը՝ իսկապես սիրող տղամարդ: Երբ կինը շուրջ մեկ ամիս գտնվում էր կոմայի մեջ, Մայքլը հայտնեց, որ կամուսնանա նրա հետ երբ նա գիտակցության գա: Շատերը սկսեցին կասկածել, քանի որ ամեն տղամարդ չէ, որ ընդունակ է այդպիսի քայլի: Մի անգամ նրան հարցրին, թե իսկապես նա կամուսնանա նրա հետ:
Մայքլի պատասխանը շատերին շփոթմունքի մեջ գցեց, նա տվեց արժանի պատասխան:
- Ես սիրահարվել եմ նրա հոգուն և բնավորությանը, նա հրաշալի մարդ է, նա միակ կինն է, ով շարունակում է իրականացնել իմ երազանքները: Ես կարող եմ ցույց տալ կատարյալ արտաքինով և շատ գեղեցիկ կանանց, որոնց հոգին դատարկ է, որոնք չարության ու եսասիրության մարմնացում են, ես սիրում եմ նրան, և հետո ոչ ոք ապահովագրված չէ նման փորձություններից, եթե ինձ հետ պատահեր նման բան, համոզված եմ որ նա էլ ինձ չէր լքի, - պատասխանել է Մայքլը:
Նրանք ամուսնացան այն բանից հետո, երբ Տուրիան գիտակցության եկավ, կազդուրվեց և այժմ մեծացնում են իրենց երեխային:
Նյութը հրապարակման պատրաստեց՝ Goodinfo-ն