«Թռչնի կաթ» կոչվող աղանդերը շատերի սիրելին է, մեզանից շատերի համար այն հիշեցնում է մեր մանկությունը:  Այս նրբահամ ու եթերային  հրաշքն ուղղակի հալվում է բերանում:

Բաղադրիչներ

Սերուցքային շերտի համար

2 տուփ ժելատին (8-ական գրամ)

1 բաժակ կաթ

1 բաժակ շաքարավազ

450 գ թթվասեր

450 գ հարած սերուցք

Բուսայուղ կաղապարը պատելու համար

Գլազուրի համար

5 ճաշի գդալ կակաո

5 ճաշի գդալ շաքարավազ

1 տուփ ժելատին (8 գ)

5 ճաշի գդալ կաթ

1 բաժակ սառը ջուր

Պատրաստման եղանակը

 

Փոքրիկ կաթսայի մեջ լցնել 2 տուփ ժելատինը և 1 բաժակ կաթը, դնել միջին կրակի վրա և  հարել,  երբ կաթից սկսի գոլորշի բարձրանալ կրակից վերցնել, չի կարելի եռացնել,  դնել մի կողմ, որ սառչի:

20*30 սմ չափերով կաղապարը կամ որևէ բարձր եզրերով տարա պատել բուսայուղով:

Առանձին տարայի մեջ հարել  1 բաժակ շաքարավազը, թթվասերը և սերուցքը:

Շարունակելով հարել  դանդաղ  ավելացնել կաթի և ժելատինի խառնուրդը:

Լցնել կաղապարի մեջ: Հարթեցնել և դնել սառնարանը:

Գլազուրը պատրաստելու համար  փոքրիկ կաթսայի մեջ  խառնել կակաոն, շաքարավազը, ժելատինը: Ավելացնել  ջուրը և կաթը: Դնել միջին բարձրության կրակի վրա և հասցնել եռման, անընդհատ խառնելով, որ ստացվի համասեռ զանգված:
Գլազուրը դնել մի կողմ, որ սառչի, սակայն ոչ սառնարանում:

Սառնարանից դուրս բերել  կաղապարը և գլազուրը դանդաղ լցնել սերուցքային շերտի  վրա: Սառեցնել սառնարնում  մոտ 5 ժամ:

Բարի ախորժակ

 

Նյութը հրապարակման պատրաստեց՝ Goodinfo-ն

loading...