Հիգիենան առողջ մաշկի հիմնական կանոնն է, սակայն ինչպես ցույց է տալիս պրակտիկան, դրան ոչ բոլոր աղջիկներն են հետեւում։ 
Հաճախ մաշկի բորբոքման եւ ծակոտկենների լցված լինելու պատճառ է հանդիսանում ոչ թե կոսմետիկան եւ առողջական խնդիրները, ինչպես շատերն են մտածում, այլ հիգիենայի բացակայությունը։ Նմանատիպ խնդրի կարեւոր պատճառը բակտերիաներն են, որոնք մաշկ են ներթափանցում մատների միջոցով։ Այդ պատճառով էլ հիգիենայի գլխավոր խնդիրն է ՝թույլ չտալ բակտերիաների ներթափանցումը։ 
Մաշկի գլխավոր թշնամին չորացած մասերն են, որոնց վրա էլ հավաքվում են բակտերիաները եւ որոնք մնում են ամենուր. սրբիչի, մատների, կոսմետիկ վրձինների եւ բարձիկների վրա եւ այլն։ Դա հաշվի առնելով, օգտագործեք միայն մեկանգամյա օգտագործման սրբիչներ։ Եթե նախընտրում եք դեմքի սովորական սրբիչները, ապա դրանք շատ հաճախակի փոխեք։ Նույն կանոնը վերաբերում է նաեւ ձեռքերին, եթե սրբչի հետ կոնտակտից հետո պատրաստվում եք կրեմ քսել կամ դիմահարդարվել։ Հիշեք, որ դեմքի հետ յուրաքանչյուր շփումից առաջ ձեռքերը պետք է աղտահանել» լինի դա տոնային կրեմի քսում, թե օրվա ընթացքում աչքերի շպարի թարմացում եւ այլն։
Կրեմին մի կպեք ձեռքերով։ Չնայած նրան, որ ժամանակակից կոնսերվանտները կոչված են պաշտպանել բակտերիաների ավելացումից, այդ հարցում ճիշտ կանեք ավելորդ անգամ ապահովագրվել։ Կոսմետիկ այդ միջոցները վերցրեք ոչ թե ձեռքով, այլ հատուկ գդալիկի օգնությամբ։ 
Ուշադրություն դարձրեք վրձիններին։ Որպեսզի խուսափեք բորբոքումներից, պարբերաբար լվացեք վրձինները։ Դիմահարդարման վրձիններն անհրաժեշտ է լվանալ ամեն օր։ Հիշեք, որ դիմահարդարման պարագաները քսելիս վրձինների վրա են մնում կոսմետիկ միջոցները, ինչպես նաեւ մաշկի մանր հատվածները, որոնք էլ կարող են հանդիսանալ բորբոքային պրոցեսի պատճառ։ 
Մանրակրկիտ լվացեք մաշկը Երեկոյան ձեր գլխավոր խնդիրն է մաշկն այնպես մաքրել, որ դեմքին չմնա կոսմետիկայի հետքը։ Շատերը հոգնած գալիս են տուն եւ սահմանափակվում միայն փրփուրով դեմքի լվացումով, ինչը սխալ է։ Եթե տոնային կրեմ եք օգտագործում, ապա ձեր դեմքի խնամքը պետք է բաղկացած լինի մաքրման երեք աստիճանից. առաջինը-կաթիկ, երկրորդը- լվացման փրփուր եւ երրորդը- տոնավորում։