Լուսինե Բադալյանն այս ամառ հասցրել է հանգիստը վայելել երկու տարբեր երկրներում: Հաղորդավարուհին նախ եղել է Հունաստանում, ապա Շվեյցարիայում: Նա BRAVO.am-ի հետ զրույցում հայտնել է, որ արձակուրդը բուռն է ստացվել. «Կրետեում 9 օր հիանալի ժամանակ անցկացրի ամուսնուս եւ տղաներիս ընկերակցությամբ: Առաջին անգամ չէինք այնտեղ եւ մեզ համար ոչինչ նոր չէր: Նաեւ այնտեղ ապրող բարեկամներ ունենք, ովքեր փորձեցին ամեն կերպ մեր օրերը հետաքրքր ու հագեցած դարձնել: Հասցրել ենք լողալ, արեւայրուք ընդունել: Տղաներս ջրային ատրակցիոններից են օգտվել, սկուտեր քշել: Ես ու որդիս ջրի սիրահար ենք: Լողալով բավական հեռացանք ափից, որպեսզի նոր վայր բացահայտենք: Ինձ ասում էին` հեռախոսս ջրակայուն է, փորձեցի ու կրակն ընկա: Այն փչացավ՝ ոչնչացնելով մեր ունեցած բոլոր նկարներն ու տեսագրությունները»:
Լուլուն էքստրեմալ ժամանցի սիրահար է.«Եթե ընտանիքով ենք, այն հանգստի կողմնակիցն եմ լինում, որը նախընտրում են մեր տան տղամարդիկ:): Իսկ եթե հնարավորություն ունենամ միայնակ ճամփորդելու, Սկանդինավյան երկրներ կգնամ: Վերջին տարիներին, երեւի տարիքից է, ինձ սկսել են գրավել Նորվեգիան, Իսլանդիան, Ֆինլանդիան»:
Հունաստանից վերադառնալուց հետո հաղորդավարուհին միայնակ մեկնել է Շվեյցարիա` ընկերուհու տարեդարձին.«Վերջին տարիներին անընդհատ ծրագրում էի, չէր ստացվում, վերջապես իրագործեցի ցանկությունս: Հոյակապ ժամանակ եմ անցկացրել: Ընկերուհուս հետ մի լավ շրջել ենք քաղաքում, տեսարժան վայրեր այցելել: Ցավում եմ, որ չկարողացա Ալպերում լինել. եղանակը շատ ցուրտ էր, նույնիսկ ձյուն եկավ»:
Վերհիշելով իր ամենատպավորիչ ճամփորդությունը՝ Լուսինեն առաձնացրել է այցը Միացյալ Նահանգներ.«Մինչ օրս կարոտով եմ հիշում այնտեղ անցկացրած մեր խենթ օրերը»:
