Fithacker.ru-ն գրում է, որ բացի սննդարար արժեքից՝ բանանն օգտակար է առողջության հետ կապված մի շարք խնդիրների առկայության դեպքում։
Մետեորիզմ և փորկապություն։ Բանանը պեկտին է պարունակում, որն արագացնում է նյութափոխանակությունը, օրգանիզմից դուրս բերում տոքսինները։ Բացի այդ՝ այն պրոբիոտիկի ազդեցություն է ունենում՝ խթանելով աղիների աշխատանքը փորկապության դեպքում։ Այս ամենի արդյունքում այն օգնում է ազատվել որովայնում գազերի կուտակման խնդրից, նպաստում նյութափոխանակությանը։
Սթրես։ Սթրեսն ազդում է մարդու առողջության վրա։ Ի թիվս այլ խնդիրների՝ այն նաև դիարեայի առաջացման պատճառ է դառնում առաջին հերթին՝ օրգանիզմում կալիումի մակարդակի անկման հետևանքով։ Բանանը մեծ քանակով կալիում է պարունակում և օգնում է վերականգնել հավասարակշռությունն օրգանիզմում։ Բանանն օգնում է կարգավորել օրգանիզմի մի շարք գործառույթներ։
Արյան ճնշում։ Մեծ քանակով աղի և քիչ քանակով կալիումի օգտագործումը բացասաբար են ազդում արյան ճշման վրա։ Արյան ճնշման բարձրացման հավանականությունը նվազեցնելու համար խորհուրդ է տրվում ամեն օր առավոտյան բանան օգտագործել։
Դեպրեսիա։ Բանանը տրիպտոֆան է պարունակում՝ սպիտակուց, որը խթանում է սերոտոնինի արտադրությունը։ Վերջինս հայտնի է՝ որպես երջանկության հորմոն։ Բավական է օրվա ընթացքում մեկ բանան ուտել, և սերոտոնինի մակարդակն այնքան կբարձրանա, որ ձեզ ավելի լավ, հանգիստ ու երջանիկ կզգաք։
Մինչդաշտանային սինդրոմ։ Բանանը մեծ քանակով B6 վիտամին է պարունակում, որը դրական ազդեցություն է ունենում արյան մեջ շաքարի մակարդակի վրա։ Սա նշանակում է, որ բանանը կօգնի մինչդաշտանային սինդրոմների դեմ պայքարում. այն կօգնի թեթևացնել որովայնում և կրծքերում զգացվող ցավը, դրական կազդի տրամադրության վրա, ինչպես նաև օրգանիզմին կօգնի ազատվել հեղուկի կուտակումից։
Աղբյուրը՝ 168.am