Հասարակ ժողովրդի խնդիրներն ու մտահոգությունները ամենից լավ հասկանում է նա, ով մշտապես բախվում է դրանց: Այդ խնդիրներից են շրջակա միջավայրը, ճանապարհների որակը և այլն: Այդ իսկ պատճառով կանադական Սենթ-Ջոնս քաղաքից ավչարկա ցեղատեսակի շան տերը կարծում է, որ իր շունը լավագույն թեկնածուն է քաղաքապետի պաշտոնում:
Նախ, շունն ամեն օր առավոտյան իր տիրոջ հետ շրջում է քաղաքի թաղամասերում, այդ իսկ պատճառով, բակերի և փողոցների խնդիրները տեսնում է իր աչքերով և անձամբ զգում դրանք: Երկրորդ, շունն արդեն ունի դերասանի լավ փորձ: Նա շատ հայտնի է դարձել իր քաղաքում՝ նկարահանվելով հայտնի ֆիլմերում և սերիալներում: Իսկ ապագա քաղաքապետին դերասանական տաղանդը պետք է, երբ նա փորձի արդարանալ իր ընտրողների առջև իր պարտականությունները չկատարելու համար:
Նշենք, որ քաղաքապետի ընտրությունների քարոզարշավն արդեն մեկնարկել է, հեռուստատեսությամբ մշտապես պտտվում են հոլովակներ շան մասնակցությամբ, որի թեկնածությունն առաջադրվել է քաղաքապետի ընտրություններում: Դատելով վարկանիշային աղյուսակից և սոցոլոգիական ուսումնասիրություններից՝ շունը մեծ շանսեր ունի՝ զբաղեցնելու այդ պատասխանատու պաշտոնը:
Աղբյուրը՝ Life.panorama.am