Սարգիս Մնոյանը՝ Stand up-ի նոր եթերաշրջանի բացահայտումերի մասին

Բարձրորակ ու ինտելեկտուալ ժամանցային ծրագիր ստեղծելու գաղափարն անտարբեր չի թողել Արմենիա Պրեմիումի հավատարիմ գործընկեր Ucom ընկերությանը, որ մշտապես թարմացվող հեռուստածրագրերի կողմնակից է. «Հումորը մեր ազգային բնութագրի կարևորագույն առանձնահատկությունն է, իսկ Ucom-ը՝ որպես հայկական օպերատոր, մեծ պատրաստակամությամբ է աջակցում այդ նախագծին: Հիշեցնենք, որ Արմենիա Պրեմիումի այս և մյուս որակյալ հեռուստաարտադրանքն, ինչպես միշտ, եթերից մեկ օր առաջ հասանելի է «Տեսավարձույթ» բաժնում»,- նշեց Ucom ընկերության գլխավոր տնօրեն Հայկ Եսայանը:

Stand up-ի հեղինակները գոհ են մինչ այս ստացած արձագանքներից, պատրաստ են եղել լսելու նաև քննադատությունները. «Իրականում լսել ենք և՛ դրական, և՛ բացասական կարծիքներ, որովհետև, առաջին հերթին, ժանրը լայն հեռուստադիտողին այդքան էլ հայտի չէր: Միանգամից հեշտ է ընկալել, որ հումորային նախագիծ է,  բայց ոչ մի ակտիվ գործողություն տեղի չի ունենում։ Օրինակ՝ չկան  մանրապատումներ, խաղարկային դրվագներ, մի փոքր բարդ է: Մարդկանց՝ դրան ընտելացնելը որոշակի ժամանակ է պահանջում: Կարծում եմ՝ մեզ մոտ  ստացվել է, ու այն, որ լինելու է երկրորդ եթերաշրջան, խոսում է հենց դրա մասին»:

Stand up քոմեդիի երկրորդ եթերաշրջանը Ucom ցանցի բաժանորդների տուն կմտնի հոկտեմբերի 20-ից՝ իր նոր ու կրեատիվ սթենդափերներով, որոնցից յուրաքանչյուրը կներկայացնի իրականության հումորային դեպքերն ու դեմքերը՝ սեփական մեկնաբանությամբ: Խնամքով ընտրված ու բարձր պրոֆեսիոնալիզմով կատարված  յուրաքանչյուր համարը հեռուստադիտողին ծիծաղելու, լիցքաթափվելու ու նաև մտածելու առիթ կտա: