- Ո՞րն է եղել ձեր կյանքի ամենաթանկարժեք գնումը:
- Թանկարժեք գնում համարում եմ լավագույն էմոցիաներ եւ հիշողություններ արթնացնող գնումները: Իսկ եթե չկտրվեմ հարցի ուղղակի կոնտեքստից, սեփական միջոցներով՝ առանց լրացուցիչ պարտավորություններ ձեռք բերելու, գնել եմ ավտոմեքենա:
- Նախընտրում եք կանխիկ գումա՞րը, թե՞ բանկային քարտերը:
- Տարբեր բանկերի բանկային քարտեր:
– Նվազագույնը որքա՞ն գումար է հարկավոր ձեր ընտանիքին՝ մեկ ամիս անհոգ ապրելու համար:
- Կդժվարանամ պատասխանել, քանի որ անհոգ ապրելու չափանիշն էապես կախված է տրամադրվածությունից, որը փոփոխական է տարբեր իրավիճակներում, եւ միշտ չէ, որ գումարային արտահայտում ունի: Բայց եթե խոսենք նվազագույն անհրաժեշտի մասին, ներառելով ֆիքսված ծախսերը, ապա կարելի է տեղավորվել $1000-ի սահմաններում:
- Երբեւէ ունեցե՞լ եք ֆինանսական դժվարություններ:
-Այո, իհարկե: Պարբերաբար ունենում եմ, եւ դրանց հաղթահարելու լավագույն տարբերակը եւս գտել եմ՝ շարունակել աշխատել՝ էլ ավելի արդյունավետ օգտագործելով ժամանակը:
- Այսօր Ձեզ ապահովված մարդ համարո՞ւմ եք:
- Ոչ, չեմ համարում, քանի որ իմ ապահովվածությունը կախված չէ բացառապես իմ անձնական ապահովվածությունից:
– Երբեւէ օգտվե՞լ եք վարկերից:
- Այո։ Ներկայում էլ օգտվում եմ:
- Դուք շռա՞յլ մարդ եք, թե՞ տնտեսող:
- Խելամիտ եմ:
– Եթե շահեք կամ նվեր ստանաք մեկ միլիոն դոլար, ինչպե՞ս կծախսեք այն:
- Ներդրումներ կանեմ՝ արժեք ստեղծելու նպատակով։ Կփորձեմ բազմապատկել ներդրումը եւ ամբողջ շահույթը նորից կներդնեմ:
–Պարտքով գումար տալի՞ս կամ վերցնո՞ւմ եք:
- Խուսափում եմ թե՛ տալուց, թե՛ վերցնելուց։ Ես բանկ չեմ:
- Ձեր գումարը վստահո՞ւմ եք բանկերին:
- Թեպետ բանկերն արժեք չեն ստեղծում, սակայն բանկային համակարգն այն ուղեգիրն է, որն աշխարհին տանում է դեպի տնտեսական արագընթաց աճ, իսկ վստահելի բանկային համակարգն այդ արագության գրավականն է: Ես նախընտրում եմ վստահել բանկերին։
Աղբյուրը՝ Bravo.am