Շուրջ 2 ամսվա դադարից հետո Ադրիանա Գալստյանը դարձյալ էկրանին է: Դերասանուհին նկարահանվում է «Նռան հատիկ» սերիալում՝ մարմնավորելով գլխավոր հերոսի քրոջը՝ Ադրիանային: Նա BRAVO.am-ին հայտնել է, որ հաճույքով է մարմնավորում դրական նոր կերպարը:
«Ադրիանան լավատես է, սիրում է երգել եւ ունի համապատասխան տվյալներ: Ապրում է ջերմ, աննկարագրելի սիրով լի ընտանիքում: Չեմ կարող շատ բացել փակագծերը, բայց հետաքրքիր զարգացումներ հաստատ կլինեն»,-նշել է Ադրիանան:
Ադրիանա Գալստյանը
Նկարահանման հրապարակում տիրող մթնոլորտը կարեւորող դերասանուհին նշել է, որ այդ առումով եւս իր բախտը բերել է: Խաղընկերները պրոֆեսիոնալ են, ջերմ ու շատ հումորով: Հատկապես առանձնացրել է սերիալում իր մայրիկին մարմնավորող Իրինա Հարությունյանին.«Նրա հետ ամեն օրն անցնում է ուրախ եւ հումորով»:
Համանուն կերպարը մարմնավորող Ադրիանան նշել է նաեւ, որ շատ նմանություններ ունի հերոսուհու հետ.«Ես նույնպես սիրում եմ երգել եւ շատ փոքր տարիքում երազում էի երգչուհի դառնալ: Հիմա երգը դարձել է ավելի շատ նախասիրություն: Թերեւս մի բանով տարբեր ենք. սերիալի Ադրիանան ավելի զգացմունքային է, սրտով է մտածում, ես` հակառակը»:
Աղբյուրը՝ Bravo.am