Ucom ցանցում հեռարձակվող «Արմենիա Պրեմիումի» եթերում այսօր մեկնարկում է «Ազիզյաններ» սիթքոմի 3-րդ եթերաշրջանը: Պրեմիումի հեռուստադիտողների ամենասիրելի ու սպասված գերդաստանի մասին արդեն պատմել ենք: BlogNews.am-ը ներկա է եղել նկարահանումներին ու զրուցել դերասաներ Մարի Պետրոսյանի և Տարոն Իսպիրյանի հետ:
Դերասանուհի Մարի Պետրոսյանը սիթոքմում ևս սիրված կերպար է դարձել: Գլամուր ու թիթիզ աղջիկն իրականում Մարիին այնքան էլ չի բնորոշում. «Կերպարս մարմնավորելիս ինստագրամյան շատ էջերի էի հետևում: Ինստագրամյան աղջիկներից յուրաքանչյուրից ինչ-որ բան գողացել եմ՝ կերպարն ամբողջական ու իրականին մոտ դարձնելու համար: Բայց Մարին, այդքանով հանդերձ, ստանդարտ կերպար չէ, ունի որոշակի առանձնահատկություններ»:
Դերասան Տարոն Իսպիրյանի կերպարը՝ Վիլենը, «Ազիզյանների» ընտանիք նախորդ եթերաշրջանի վերջում է հայտնվել: Մարիին թունդ սիրահարված երիտասարդին նաև այս եթերաշրջանում կտեսնենք. «Բարի, միամիտ ու հանուն սիրո ամեն ինչի պատրաստ տղայի եմ մարմնավորում: Նկարահանումները շատ լավ են ընթանում, ջերմ ու ընտանեկան մթնոլորտ է, հոգատար աշխատակազմ ունենք»:
Աղբյուրը՝ BlogNews