Դերասանուհի Միլենա Ավանեսյանը փոքրիկ դերակատարում ունի Մհեր Մկրտչյանի «Լյուդվիգ անունով ոզնին» ֆիլմում: Life.panorama.am-ին դերասանուհին պատմել է Մհեր Մկրտչյանի հետ արդեն երկրորդ աշխատանքի, դրամայից կատակերգությանն անցնելու եւ առաջիկա անելիքների մասին:
- Միլենա, «Լյուդվիգ անունով ոզնին» կատակերգությունը վերջին օրերիամենաքննարկվող թեմաներից է: Արդեն հայտնի է, որ դուք եւս նկարահանվել եք ֆիլմում: ինչպե՞ս ստացվեց Ձեր երկրորդ համագործակցությունը ռեժիսորի հետ:
- Մեր առաջին համագործակցությունից հետո աշխատանքի ընդունվեցի «Մհեր Մկրտչյան» արտիստական թատրոնում, հետեւաբար Մհերի հետ համագործակցությունը չէր ընդհատվել: Նախ պետք է ասեմ, որ իսկզբանե մասնակցել եմ քասթինգի գլխավոր կերպարներից մեկի համար, բայց ռեժիսորը եկավ այն եզրահանգմանը, որ այս ֆիլմում պիտի մեկ այլ կերպարով ներկայանամ:
- Թեեւ նշեցիք, որ փոքրիկ դերով եք ներկայանալու, այնուամենայնիվ, կխնդրեմ պատմելՁեր կերպարի մասին:
- Խաղում եմ դերասանուհու կերպար: Դերակատարումս փոքր է, բայց հույս ունեմ, որ լավ է ստացվել եւ կհիշվի հանրության կողմից:
- Վստահ եմ, որ հետեւում եք ֆիլմի զարգացումներին: Ըստ Ձեզ, ինչպիսի՞նն է լինելուայս կատակերգությունը, եւ ինչո՞վ է գրավելու հեռուստադիտողին:
- Անշուշտ, սցենարն ամբողջությամբ ընթերցել եմ, ու վստահ կարող եմ ասել, որ այն թե սցենարական, թե օպերատրական աշխատանքով, թե դերասանական խաղով տարբերվելու է հայկական կոմեդիաներից: Հենց դրանք են հանդիսանալու ֆիլմի գլխավոր մեխերը:
- Սա կատակերգություն է, իսկ առաջին փորձը դրամայի ժանրում էր: Մհեր Մկրտչյանիաշխատելաոճը այս ժանրում շա՞տ է տարբերվում:
- Չեմ կարող ասել, որ տարբեր է, որովհետեւ պահանջներն իրականում նույնն են, եւ այս պարագայում էլ ժանրի փոփոխությունը կապ չունի: Մհերին պետք է հավաստի դերասանական խաղ` առանց ավելորդ ծամածռությունների:
- Ինչպիսի՞ն է Ձեր մոտեցումը ժանրային փոփոխությունների հանդեպ:
- Չեմ կարող հստակ ասել, բայց, ըստ իս, տաղանդավոր դերասանը յուրաքանչյուր ժանրում հետաքրքիր կլինի: Կան դերասաններ, որոնք մի ժանրում հաջողում են եւ այդուհետ շարունակում են նույն ժանրում հանդես գալ ու արդյունքում լճանում են: Եթե դերասանը իսկապես տաղանդավոր է, ապա լավ ռեժիսորի օգնությամբ կարող է տարբեր ժանրերում լավը լինել:
- Միլենա, երբ հեռարձակվեց «Հոսանքին հակառակ» ֆիլմաշարը, մեզ հետ խոսեցիք,սակայն արդյունքները ամփոփել չկարողացանք, քանի որ ֆիլմն ընթացքի մեջ էր: Հիմակխնդրեմ ամփոփել արդյունքներն ու Ձեզ հասած արձագանքները:
- Միայն լավ ու դրական կարծիքներ եմ լսել: Մարդիկ շնորհակալություն էին հայտնում ռեժիսորին եւ ամբողջ խմբին նման աշխատանքի համար: Եվ հաճելի էր, որ չէին ցանկանում այդքան շուտ ավարտվի ֆիլմը, նրանք նոր սերիաների էին սպասում:
- Ի՞նչ անելիքներ ունեք առաջիկայի համար:
- Հիմնականում զբաղված եմ թատրոնորւմ: Ներգարվված եմ մի քանի ընթացիկ ներկայացումներում, իսկ առաջիկայում թատերասեր հասարակությանը սպասվում են նաեւ պրեմիերաներ: