Բաղադրիչներ
առանց խմորիչի շերտավոր խմոր
հավի կրծքամիս
մաղադանոս, սամիթ
պանիր
սունկ
սոխ
Պատրաստման եղանակը
Հավի կրծքամիսը կտրատել մեծ խորանարդիկներով և տապակել մի փոքր կարագով:
Սունկը լվալ, բարակ կտրատել և նույնպես տապակել:
Սոխը մաքրել, մանր կտրատել և տապակել մինչև մի փոքր կարմրի:
Մաղադանոսը և սամիթը լվալ,սրբիչով չորացնել, այնուհետև մանր կտրարել:
Պանիրը անցկացնել խոշոր քերիչով:
Բոլոր պատրաստված բաղադրիչները խառնել, համեմել:
Խմորը գլանաձև պատրաստել:
Գլանակը մասերի բաժանել և գրտնակել կլոր, 4-5մմ հաստությամբ:
Խմորի մեջտեղը տեղադրել լցոնը և եզրերից հավաքել՝ պարկի պես:
Ամեն պարկը խնամքով կապել կանաչիով:
Թավան մի փոքր յուղ քսել, վրան փայլաթիթեղ դնել, դասավորել պարկերը և պարկերի վրա ձու քսել:
Դնել վառարանը, 180 աստիճանով եփել 20-25 րոպե, մինչև թեթևակի կարմրելը:
Մատուցել տաք վիճակում:
Բարի ախորժակ: