Սա շատ հասարակ և համեղ աղցան է: Բոլոր հյուրերիս այն դուր է գալիս: Այնպես որ խորհուրդ եմ տալիս անպայման պատրաստել: Հաստատ չեք փոշմանի:
Բաղադրիչներ
300 գր. – ապխտած հավ
4-5 հատ – հավկիթ
1 հատ – հալած պանիր
2 հատ. – ոչ մեծ կարտոֆիլ
Գլուխ սոխ՝ ըստ ճաշակի, կարելի է նաև կանաչ սոխ
Մայոնեզ՝ ըստ ճաշակի
Պատրաստումը
Խաշել ձուն և կարտոֆիլը
Մանր կտրտել հավը
Կարտոֆիլը քերել խոշոր քերիչով, ձուն՝ մանր: Ընդ որում սպիատակուցն ու դեղնուցն առանձին-առանձին:
Մարինացնում ենք գլուխ սոխը (մանր կտրտում ենք, 20 րոպե թողնում ենք 1 ճ/գ քացախի և 1 բաժակ տաք ջրի խառնուրդի մեջ):
Դասավորում ենք «Հարսնացու» աղցանը շերտերով՝ նրանց միջև քսելով մայոնեզ:
1-ին շերտ. հավ և մայոնեզ
2-րդ շերտ. մարինացված սոխ
3-րդ շերտ. կարտոֆիլ, մայոնեզ
4-րդ շերտ. դեղնուց
5-րդ շերտ. հալած պանիր, մայոնեզ
6-րդ շերտ. սպիտակուց
Ըստ ցանկության կարող եք շերտերը կրկնել և ավելացնել մայոնեզ՝ ըստ ճաշակի: Թողնում ենք աղցանը մի քանի ժամ, որ ներծծվի:
Դուք նաև կարող եք պարզապես խառնել աղցանի բաղադրիչներն իրար և ավելացնել մայոնեզը: Այսպես այն ավելի արագ է կատարվում, և համը նույնն է մնում: