Բեֆստրոգանով. Տավարի միսը՝ ստրոգանովյան ձևով

Էներգետիկ արժեքը 1 չափաբաժնում

Կալորիականություն – 430 կկալ

Սպիտակուցներ – 22.2 գ

Ճարպեր – 32.6 գ

Ածխաջրեր – 13.1 գ

Բաղադրիչներ

Տավարի միս – 400 գ

Սոխ – 2 հատ

Թթվասեր – 200 գ

Տոմատի մածուկ – 2 ճ/գ

Ալյուր – 1 ճ/գ

Կտրատված մաղադանոս – 2 ճ/գ

Աղ՝ ըստ ճաշակի

Բուսայուղ – 50 մլ

Աղացած սև պղպեղ՝ ըստ ճաշակի

Պատրաստման եղանակը

Տավարի միսը լվանալ, լավ չորացնել և մանր շերտատել:

Մանրացված միսը դնել 2 շերտ սննդային թաղանթի արանքը և լավ ծեծել:

Ծեծված միսը կտրատել բարակ շերտերի:

Սոխը մաքրել և օղակաձև կտրատել, հետո նորից կտրատել 4 մասի:

Թավայի մեջ տաքացրած բուսայուղում տաքացնել սոխը, մի փոքր աղ անել, սև պղպեղ ցանել:

Տապակած սոխի վրա ալյուր լցնել և խառնել:

Սոխին ավելացնել թթվասերը, տոմատի մածուկը և խառնել:

Հասցնել եռման և մի փոքր ջուր ավելացնել:

Սոուսը մի փոքր եփել, աղ և պղպեղ ցանել:

Մյուս թավան լավ տաքացնել, մի փոքր բուսայուղ լցնել և տապակել միսը:

Միսը տապակել մինչև պատրաստ լինելը, աղ և պղպեղ ցանել:

Միսը լցնել սոուսի մեջ, խառնել և 2-3 րոպե շոգեխաշել ցածր կրակի վրա: