«Փարիզյան կոկտեյլ». տորթ, որին դժվար է «դիմակայել»

Ներկայացնում ենք «Փարիզյան կոկտեյլ» տորթի պատրաստման եղանակը:

Տորթ «Փարիզյան կոկտեյլ»

Բաղադրիչներ խմորի համար

Մեղր – 3 ճ/գ

Շաքարավազ – 150 գ

Գոլ ջուր – 180 մլ

Բուսայուղ – 3 ճ/գ

Ալյուր – 500 գ

Սոդա – 1 թ/գ

Բաղադրիչներ կրեմի համար

Կարագ – 250 գ

Կաթ – 600 մլ

Ձու – 3 հատ

Ալյուր – 1 ճ/գ

Շաքարավազ – 1 բաժակ

Վանիլին

Նուշ մանրացրած – 100 գ

Պատրաստման եղանակը

Տաքացնել ջեռոցը մինչև 180 աստիճան:

Շերտերի համար խառնել մեղրը, շաքարավազը, բուսայուղը, ջուրը և դնել կրակի վրա: Երբ խառնուրդը եռա, վերցնել կրակից և ավելացնել ալյուրը սոդայի հետ: Լավ հունցել ստացված խմորը և բաժանել այն 6-7 մասի:

Բարակ գրտնակել շերտերը և թխել 180 աստիճան ջեռոցում՝ մինչև ոսկեգույն դառնալը: Շերտերը կարող են լինել կլոր կամ քառակուսի:

Հիմա ժամանակն է կրեմը պատրաստելու համար. հարել ձվերը շաքարավազի հետ, խառնել ալյուրին: Լցնել սառը կաթը և դնել կրակին, անընդհատ խառնել՝ մինչև զանգվածի պնդանալը: Վերցնելով կրակից՝ սառեցնել և ավելացնել ընկույզը և վանիլինը: Երբ կրեմը գրեթե սառչի, ավելացնել կարագը և հարել հարիչով:

Ավելի լավ է կրեմը տաք վիճակում քսել շերտերին: Թողնել, որ տորթը հանգստանա և ներծծվի կրեմով: Մատուցել: