Հանրահայտ ամերիկյան թխվածքաբլիթներ «Վուփի փայ». նրբագույն շոկոլադե բիսկվիթ՝ սերուցքային միջուկով

Այս նրբագույն և անհավանական համեղ շոկոլադե աղանդերը, որը բառացիորեն հալչում է բերանում, ուղղակի չի կարող անտարբեր թողնել ոչ մեկին:

Շոկոլադե թխվածքաբլիթ «Վուփի փայ»

Բաղադրիչներ

Կարագ – 100 գ

Շաքարավազ – 110 գ

Ձու – 1 հատ

Ալյուր – 150 գ

Կակաո – 65 գ

Փխրեցուցիչ – 1 թ/գ

Վանիլին – 1 թ/գ

Կաթ – 100 մլ

Կրեմի համար

Սերուցք – 200 մլ

Շաքարի փոշի – 1/2 թ/գ

Պատրաստման եղանակը

Հարել փափուկ կարագը շաքարավազի հետ:

Ավելացնել 1 ձու և նորից լավ հարել:

Խառնել ալյուրը, կակաոն, փխրեցուցիչը և վանիլինը:

Աստիճանաբար ավելացնել կաթը և ալյուրային խառնուրդը կարագային խառնուրդին:

Ճաշի գդալով տեղաբաշխել խմորը պերգամենտի վրա և տալ շրջանի ձև:

Թխել 175 աստիճանում 10-12 րոպե: Սառեցնել:

Պատրաստել կրեմը. սերուցքը հարել շաքարի փոշու հետ:

Բիսկվիթի մի կեսի վրա գդալով կրեմ քսել և ծածկել մյուս կեսով:

Մատուցելուց առաջ «Վուփի փայը» 30 րոպե դնել սառնարանի մեջ: