- Մատուցվում է՝ 1 օր անց
- Նախն. ժամանակ՝ 30 րոպե
- Պատրաստման ժամանակ՝ 30-35 րոպե
Բաղադրիչներ
- կաթ – 1լ
- հյութ կիտրոնի – 2-3 ճ/գդ
- շաքարավազ – 150 գր
- ջուր – 350 մլ
Պատրաստման եղանակ
Պատրաստում ենք «պանիր»-ը: Կաթսայի մեջ ենք լցնում 1 լ կաթը և եռացնում: Անընդհատ խառնելով, ավելացնում ենք 2-3 ճ/գդ կիտրոնահյութը:
Մի քանի րոպե հետո, «պանիրն» ու շիճուկն առանձնանալու են: Զանգվածը մաղով անցկացնում ենք և հոսող տաք ջրի տակ լվանում, ինչից հետո մարլյան կապում ենք և զանգվածը լավ սեղմում, որպեսզի ավելորդ հեղուկը դուրս գա: «Պանիրը» փշրում ենք և լավ հունցում, որպեսզի համասեռ դառնա: Ձեռքերով ընկույզի չափ գնդիկներ ենք անում. գնդիկները պետք է լինեն հարթ, կլոր՝ առանց ճաքերի: Այժմ պատրաստում ենք օշարակը: Կաթսայի մեջ ենք լցնում ջրի 1/3 մասը և շաքարավազ ավելացնում: Զանգվածն, անընդհատ խառնելով հասցնում ենք եռման ատիճանի և մոտ 5 րոպե եռացնում:
Գնդիկներն ընկղմում ենք եռացող օշարակի մեջ, բայց լցնելուց պետք է հաշվի առնել, որ վերջիններս չափսերով 2-3 անգամ մեծանալու են: Կափարիչով ծածկում ենք և 10-15 րոպե եփում: 10 րոպե հետո, ահա այսպիսի տեսարանի ականատես կլինենք: Այժմ այդ կաթսան դնում ենք սառը ջրի մեջ, կափարիչով ծածկում և այդպես թողնում մոտ 24 ժամ, որպեսզի գնդիկները օշարակը ներծծեն: