Cookook.ru կայքը ներկայացրել է մի քանի բաղադրատոմս աղցան պատրաստելու համար։
Թթվասերով սոուս աղցանի համար
Բաղադրիչներ
100 գրամ թթվասեր
2 թեյի գդալ մանանեխ
1 թեյի գդալ լայմի կամ կիտրոնի հյութ
կանաչ թթու խնձորի կեսը
նեխուրի արմատի ¼ մասը
սամիթ
Պատրաստման եղանակը
Մանրացրեք խնձորը, ավելացրեք կիտրոնի հյութ։ Նեխուրը մանրացրեք։ Խառնեք բոլոր բաղադրիչները։
Վարունգով սոուս
Բաղադրիչներ
2 թարմ վարունգ
100 գրամ փափուկ հալած պանիր
2 ճաշի գդալ խիտ թթվասեր
1-2 պճեղ խնձոր
ցանկացած կանաչի
Պատրաստման եղանակը
Վարունգը մանրացրեք, ավելացրեք սխտորը, կտրատած կանաչին, թթվասերը և պանիրը։ Խառնեք այնքան, մինչև ստանաք միատարր զանգված։
Կոճապղպեղով սոուս
Բաղադրիչներ
200 գրամ ոչ յուղոտ թթվասեր
2 թեյի գդալ մանանեխ
1 թեյի գդալ մանրացված իմբիր
սամիթ
Պատրաստման եղանակը
Մանր կտրատեք սամիթը։ Մանրացրեք իմբիրը։ Խառնեք բոլոր բաղադրիչները և թողեք 30 րոպե։
Սոուս լոռամրգով
Բաղադրիչներ
100 մլ կեֆիր
սառեցված լոռամրգի
1 ճաշի գդալ կիտրոնի հյութ
2 թեյի գդալ ձիթապտղի յուղ
կարմիր պղպեղ
Պատրաստման եղանակը
Լոռամրգին խառնեք բլենդերում կեֆիրի հետ։ Ավելացրեք պղպեղը, կիտրոնի հյութը, ձիթապտղի յուղը, խառնեք։ Թողեք 15-20 րոպե։
Ընկույզով սոուս
Բաղադրիչներ
200 գրամ անյուղ կաթնաշոռ
¼ բաժակ հնդկական ընկույզ
5 թեյի գդալ մանրացված ծովաբողկ
1 թեյի գդալ կիտրոնի հյութ
մանրացված պղպեղ՝ ըստ ցանկության
կեֆիր՝ ըստ ցանկության
Պատրաստման եղանակը
Կաթնաշոռին ավելացրեք ընկույզը, ծովաբողկը և կիտրոնի հյութը։ Լավ խառնեք և թողեք 15 րոպե։