Պանրով ծրարներ

Տարվա տարբեր եղանակներին կանաչիով կարկանդակները, ըստ բաղադրության, կարող են տարբեր համ ունենալ: Այսօր առաջարկում ենք ճակնդեղի ճավով կարկանդակ պատրաստել:

Անհրաժեշտ բաղադրիչները

շերտավոր խմոր 500 գրամ

պանիր 250 գրամ

կարագ 150 գրամ

սոխ 2 գլուխ

կանաչ սոխ 0.5 փունջ

ճակնդեղ 1 փունջ

մաղադանոս 0.5 փունջ

քիմիոն 0.5 թեյի գդալ

ձու 2 հատ

Ինչպես պատրաստել

Սոխը մանր կտրտել, 20 գ կարագով տապակել:

Ճակնդեղի ճավը մանր կտրտել, աղ անել, տրորել, լցնել քամիչի մեջ՝ ջրքամվելու:

Կանաչ սոխն ու մաղադանոսը մանր կտրտել, լցնել թասի մեջ:

Ավելացնել սոխեռածը, քերած պանիրը, քիմիոնը, լավ մզած ճավը, աղ ու պղպեղ անել, ավելացնել 1 ձու և մյուս ձվի սպիտակուցը, լավ խառնել:

Շերտավոր խմորը գրտնակել, 3 մասի բաժանել, ամեն մասը տեղավորել յուղաթղթի վրա, մեջտեղի 1/3 մասին միջուկ դնել:

Խմորի եզրերը 45 աստիճան անկյան տակ 1.5 սմ լայնության ժապավենների կտրտել:

Աջ և ձախ կողմի շերտերը հերթով վրա բերել այնպես, որ միջուկը ծածկվի:

Ծրարը յուղաթղթով զգուշորեն տեղափոխել ջեռոցի տապակի մեջ:

Խմորին ձվի դեղնուց քսել և եփել 190* ջերմությամբ ջեռոցում 25-30 րոպե:

Մատուցել տաք: